Përfitimet e ruajtjes së të dhënave në Re kompjuterike(iCloud)
Edhe nëse ndërmerrni të gjitha hapat e duhur për të mbrojtur kompjuterët tuaj kundër softuerëve keqdashës dhe vjedhjeve fizike, është ende e mundur që një kundërshtar i vendosur ta hakojë kompjuterin tuaj ose serverin lokal parlamentar. Është shumë më e vështirë për ta, të mposhtin mbrojtjen e sigurisë së, për shembull, Google ose Microsoft. Kompanitë cilësore për ruajtje të të dhënave në re kanë burime të pashembullta sigurie dhe kanë një nxitje të fortë biznesi për të ofruar siguri maksimale për përdoruesit e tyre. Shkurtimisht: një strategji e besueshme e ruajtjes së të dhënave në re do të jetë shumë më e lehtë për t'u zbatuar dhe mbajtur e sigurt me kalimin e kohës. Pra, në vend që të përpiqeni të identifikoni (dhe të ruani) numrin e stafit të përkushtuar dhe shumë të aftë të sigurisë kibernetike, që kërkohet për të mbrojtur serverët lokalë në parlamentin tuaj, përqendroni energjinë tuaj në një sërë detyrash më të thjeshta. Këto përfshijnë zgjedhjen e opsionit të duhur të ruajtjes në Re kompjuterike për nevojat tuaja të privatësisë dhe lokalizimit të të dhënave, zbatimin e sigurisë së mirë të llogarisë, trajnimin e stafit për të shpërndarë (dhe për të mos-shpërndarë) dosjet dhe dokumentet siç duhet (në përgjithësi, duhet të konfiguroni dosje brenda diskut tuaj të ruajtjes në re që kufizon qasjen vetëm tek stafi që ka nevojë për skedarë të caktuar), dhe revizioni rutinë i sistemit tuaj për t'u siguruar që stafi dhe anëtarët nuk "shpërndajnë" ndonjë skedar (si p.sh. aktivizimi i ndarjes universale të lidhjeve për skedarë që duhet të kufizohen vetëm në pak njerëz).
Mbajtja e pjesës më të madhe të informacionit tuaj në Re kompjuterike ndihmon me një sërë rreziqesh të zakonshme. A ka mbetur kompjuteri i dikujt në ndonjë restorant apo telefoni në autobus? Mos ka derdhur fëmija juaj gotë me lëng në tastierë, duke e prishur pajisjen tuaj? Ose keni nevojë të ndani të dhënat që i përkasin një deputetes nga informacionet që i prodhon për parlamentin ajo deputete? A ka një punonjës softuer keqdashës dhe duhet të fshijë kompjuterin e tij dhe të fillojë nga e para? Nëse shumica e dokumenteve dhe të dhënave ruhen në Re kompjuterike, është e lehtë të risinkronizohen dhe të shkarkohen të reja në një kompjuter të pastruar ose krejtësisht të ri. Gjithashtu nëse softueri keqdashës futet në një kompjuter ose nëse ndonjë hajdut skanon një disk të ngurtë, nuk do të ketë asgjë për të vjedhur nëse shumica e dokumenteve qasen përmes shfletuesit të internetit.
A mund t'i besojmë vërtet ruajtjes në Re kompjuterike?
Me pak fjalë, nuk ka asgjë në thelb të pabesueshme në lidhje me ruajtjen e të dhënave në re. Siç u përmend më lart, shumica e ofruesve kryesorë të ruajtjes në Re kompjuterike kanë ekipe të inxhinierëve më të mirë të sigurisë në botë që punojnë për të mbrojtur produktet e tyre çdo ditë dhe ofrojnë mbështetje sigurie për klientët e tyre përtej asaj që shumica e departamenteve të vogla të TI-së mund të jenë në gjendje të ofrojnë vetë. Sidoqoftë, mbani në mend se shërbimet tradicionale të ruajtjes në re zakonisht kërkojnë dhënie të qasjes në të dhëna të ndjeshme për kompani të palës së tretë që ofron shërbimin. Me këtë, çdo parlament individual do të ketë konsideratat e veta politike dhe kërkesat ligjore (si mandatet e lokalizimit të të dhënave) për t'i marrë parasysh kur bën zgjidhjen nëse mund t'i besojë dhe të përdorë një ofrues të caktuar të ruajtjes së dhënave në Re kompjuterike.
Cilin ofrues për ruajtje të të dhënave në Re kompjuterike duhet të zgjedhim?
Nëse parlamenti juaj nuk duhet të marrë në konsideratë ndonjë kërkesë për lokalizimin e të dhënave dhe nuk ka asnjë problem me kompani të besuar të palës së tretë që ndan qasjen në të dhëna, dy opsionet më të njohura të ruajtjes së të dhënave në Re kompjuterike janë Google Workspace (më parë i njohur si GSuite) dhe Microsoft 365. Nëse parlamenti juaj tashmë përdor Gmail, regjistrimi i tij për Google Workspace dhe ruajtja e të dhënave në Google Drive me aplikacionet e integruara të Google Docs, Sheets dhe Slides për përpunimin e tekstit, fletëllogaritësit dhe prezantimet paraqesin një zgjidhje të logjikshme. Ngjashëm, nëse parlamenti juaj mbështetet në Excel dhe Word, zgjedhja më e lehtë është të regjistroheni në Microsoft 365, i cili jep qasje në Outlook për postë elektronike dhe versionet e licencuara të Microsoft Word, Excel, PowerPoint dhe Teams.
Po sikur të na duhet të kontrollojmë të dhënat tona ose të respektojmë ligjet e lokalizimit të të dhënave?
Për shumë parlamente, një opsion kaq i thjeshtë mund të mos jetë i realizueshëm, duke pasur parasysh kërkesat për lokalizimin e të dhënave ose pritshmëritë specifike që kërkojnë kontroll ekskluziv parlamentar mbi të dhënat e veta. Lajm i mirë është se kohët e fundit, ofruesit e sigurt të ruajtjes së të dhënave në re kanë zhvilluar opsione që lejojnë klientët e ndërmarrjeve ose të zgjedhin vendndodhjen e të dhënave të tyre (mbani në mend se kjo është kryesisht e kufizuar për klientët evropianë për momentin), ose të kontrollojnë çelësat e tyre të enkriptimit. Në praktikë, kjo do të thotë që parlamenti juaj ka opsione për të kontrolluar të dhënat e veta, ndërkohë që ende përfiton nga infrastruktura dhe siguria e ruajtjes së të dhënave në re.
Nëse parlamenti juaj aktualisht përdor ose është i interesuar të përdor Google Workspace për ruajtjen dhe ndarjen e të dhënave në Re kompjuterike, Google prezantoi një veçori që mundëson Enkriptim nga ana e klientit për pakon për organizata Enterprise Plus. Edhe pse për momentin është në fazë testimi dhe në dispozicion vetëm për pakot më të shtrenjta të Google Workspace, kjo veçori ofron një mundësi për të përfituar nga paketa e plotë e funksioneve të ruajtjes dhe ndarjes së të dhënave në Google Drive - dhe veçorive të sigurisë të integruara në to - duke kufizuar aftësinë e Google për të qasur informacionin delikat ose privat të parlamentit tuaj. Me enkriptimin nga ana e klientit, ju mund të zgjidhni të integroni një shërbim shtesë të menaxhimit të çelësave, siç është Virtru, dhe t'i lejoni përdoruesit të menaxhojnë çelësat e tyre të enkriptimit pa lejuar qasjen në vetë Google. Një shërbim i tillë kërkon që të gjithë të kenë kujdes të madh në mbrojtjen e atyre çelësave për të mbrojtur siç duhet qasjen në cilindo sistem të menaxhimit të çelësave që zgjidhni të integroni në Google Workspace. Administratorët e llogarisë mund të mësojnë më shumë se si të aktivizojnë enkriptimin nga ana e klientit në faqen e mbështetjes për Google Workspace.
Nëse parlamenti juaj aktualisht përdor ose është i interesuar të përdor Microsoft 365 për ruajtjen dhe ndarjen e të dhënave në Re kompjuterike, ofrohet edhe një opsion pak më i ndërlikuar, por mirë i vendosur për menaxhimin e çelësave tuaj të enkriptimit të njohur si Microsoft 365 Double Key Encryption. Ky opsion sigurie kërkon Microsoft 365 E5, por ju lejon të mbani kontrollin e të dhënave të ndjeshme ose private parlamentare dhe të kufizoni qasjen edhe në vetë Microsoft.
Tresorit është një tjetër opsion që është më i thjeshtë për t'u zbatuar nëse parlamenti juaj është i shqetësuar për lejimin e një pale të tretë që të ketë qasje në informacionin tuaj të brendshëm. Tresorit ofron enkriptim nga fundi në fund për ruajtjen e të dhënave në re, ndarjen e skedarëve dhe ofron një gamë të opsioneve për mbajtjen e të dhënave.
