Fatkeqësisht, sulmet fizike ndaj parlamenteve dhe organeve të tjera legjislative nuk janë të pazakonta, dhe shpesh kanë implikime të rëndësishme si për sigurinë fizike ashtu edhe për atë të informacioneve. Më 6 janar 2021, kryengritës sulmuan ndërtesën e Kapitolit të Shteteve të Bashkuara - shtëpia e të dy dhomave të legjislaturës amerikane - në një përpjekje për të ndaluar certifikimin e rezultateve të zgjedhjeve presidenciale. Sulmi fizik tragjikisht shkaktoi pesë vdekje si dhe shqetësime të konsiderueshme psikologjike për anëtarët dhe stafin e Kongresit. Megjithatë, ky nuk ishte ndikimi i vetëm negativ. Sulmuesit shkatërruan gjithashtu pajisjet e TI-së, fituan qasje në materiale të ndjeshme në zyrat e anëtarëve dhe ndoshta më e dëmshmja, vodhën kompjuterë dhe pajisje tjera me informacione potencialisht konfidenciale nga Kapitoli i SHBA.